Hótel Húsavíkurhöfði (Húsavík Cape Hotel) er sextán herbergja hótel á Húsavík. Það stendur fremst á Húsavíkurhöfða með útsýni yfir höfnina, bæinn og Skjálfandaflóa. Þar er boðið upp á eins, tveggja og þriggja manna herbergi auk fjögurra og fimm manna fjölskylduherbergja. Herbergin eru rúmgóð og útbúin með baðherbergjum. Úr herbergjunum er fallegt útsýni og þráðlaust internet er í öllum herbergjum.
Húsið var reist árið 1950 af Fiskiðjusamlagi Húsavíkur og var þar fyrst saltfiskvinnsla félagsins. Síðar var í húsinu trésmiðja, en núverandi eigendur tóku við húsinu árið 2005 og hófst undirbúningur að breytingu þess í hótel árið 2010.
Hótel Húsavíkurhöfði opnar í maí 2012.
Við Húsavík eru þrír höfðar; Húsavíkurhöfði, Bakkahöfði og Héðinshöfði. Hið sögufræga hús Höfði í Reykjavík, þar sem Reagan og Gorbachev funduðu, er nefnt eftir Héðinshöfða. Ef gengið er upp á Húsavíkuhöfða að sumarlagi, til norðurs frá hótelinu, má sjá miðnætursólina speglast í flóanum, en um það söng Bing Crosby - land of the midnight sun - er hann heimsótti Þingeyjarsýslur árið 1969. Á veturna lýsa svo fögur norðurljósin oft himininn yfir Húsavíkurhöfða.
Heimilisfang: Hótel Húsavíkurhöfði, Höfði 24, 640 Húsavík
Bókunarsími: 463 33 99
